Fashion ki Deewangi

Doston, aaj aap ke liye pesh hai ek naya hi rang,
Karuna aur desh prem ke baad lijiye hasyawyang.

(TV par vibhinn fashion parades evam fashion week se chhubdh ho kar maine yeh panktiyaan likhi hain).



Vastron ki pradarshini hai ya nirvastrta ki?
Sajja ke naam par hod hai nirlajjata ki
Daulat aur shohrat ki daud mein dekho
Bali chadh rahi hai Bhartiya asmita ki.



Isi se sambandhit, shaadi ke "bazaar" par ek tippani.


Maa boli beti se, "Haiyen! Ye poore vastra kyun pehne?
Ari nasamajh pehen aadhe vastra aadhe gahne,
Shaaleenta, sanskriti aur sankoch, huye sab puraane naam
Shaadi ke bazaar mein adhnagnta  hi badhaati daam."